我相信 Samsung E590 應該是史最平的三百萬像素, 自動對焦 (autofocus) 手機! 市場一般賣價是 $1480-$1680! 路邊社消息, 批發價是 $1200 左右! 有無可能做到咁平呀? 咁之前 Samsung 及其他廠咪搵好多錢?
這部手機是由 "知名產品設計師 Jasper Morrison 的設計"! 我自問鄉下仔, 唔識得 Jasper 兄! 亦睇唔到這部機個設計有甚麼特別! 咪又係長長地, 四四方方, 再加上個大眼仔凸出黎, 不知幾醜樣!
好, 又睇下 E590 個 spec 先:
Network: GSM 900 / GSM 1800 / GSM 1900
Size Dimensions: 94 x 42 x 13.5 mm
Weight: 65 g
Display Type: TFT, 256K colors, 220 x 220 pixels, 1.8 inches
Card slot: microSD (TransFlash), 80 MB user memory
Data: GPRS Class 10 (4+1/3+2 slots), 32 - 48 kbps
EDGE: Class 10, 236.8 kbps
Bluetooth: v2.0 with A2DP
USB: v2.0
重量只有 65g ........ 令我想起 Ericsson 的 T66! 但不同年代, 當然功能上已經不可以再比較! 因為 E390 不單只有 3M cam, 更加有 60MB 內置 memmory! 更可以插卡! 有 EDGE, 有藍芽 V2.0 可用 BT handsdfree 聽歌, 因為有 A2DP. 個 display 就只得 1.8 寸, 實在太細!
1. 外形. 咪又係長長地 bar-phone 一部! 唔見有乜特別! Sorry 呀 Jasper 兄, 藝術呢家野, 我唔多識
2. 介面. 咪又係標準 Samsung 野! 用開好快上手!
3. 語言. 有齊繁及簡中文! 而且有筆畫輸入法!
4. 弱智設計之一! 中間鍵於待機時, 一按即上網! 無得改! 你話幾易中招?
5. 弱智設計之二! sms 信息鈴聲, 只可響, 震, 或先震後響! 及只可選內置的 4 個! 唔可以用 MP3! 問你怕未?
6. 功能鎖! 與一般 Samsung 機一樣, 可鎖上選定功能! 例如信息, 電話簿等等! 到時 "女朋友" 既信息, 就唔怕俾老婆見到啦
7. Mobile Tracker. 即是換 sim 卡會發信息去指定號碼, 等你知邊個偷左你部機! 但入號碼時, 記得加國家號, 即 "+852", 否則上左大陸發唔到番香港架!
8. Memory. 內置 80MB! 唔係聽好多歌, 唔加卡都夠用! 當然可插卡啦! 2GB microSD 完全無問題!
9. 其他功能. 收音機, Music Player, Voice Recorder 等等, 齊晒!
10. 藍芽另加 A2DP! Samsug 個藍芽開始做得幾好! 功能上已經同 SE 機做到差不多咁 user-friendly.
11. 弱智設計之三! 內置個 Internet browser 只可上 WAP 而唔可以上 WEB! 所以上 1010 個 portal 只見到字, 無圖!
12. 相機介面及功能! E590 主要賣點是相機, 所以個相機功能做到跟一般 D-Cam 差不多!
13. 配件. 除了充電器, usb cable 外, 再加放一個 "沙包" 有乜用? 做腳架
14. USB Device. 用跟機的 usb cable, 可將 E590 當 modem, mass storage (讀卡器, 直接抄寫 memory card! 但不能讀寫內置 memory) 及 Pictbridge (直接出 printer 印相)! 幾方便!
15. 與其他三百萬像素手機比較.
總結:
a. 聽筒好大聲, 但好拆! 送話幾細聲! 可能是直身機, 要壓制 background voice!
b. 竟然沒有 Profile 選擇! 對我對死得啦!
c. 無 3G 但有 EDGE! 但只可上 WAP, 有乜用?
d. 鈴聲及震機都幾大!
OK, after all, 以 $1480-$1680 咁既價錢, 有三百萬像素自動對焦手機, 重想點? 而且內置 80MB memory 加插卡, 又有藍芽 A2DP! 值啦?
個人覺得, 如果你當 E590 是一部 "可拍照的藍芽 MP3 機, 加電話功能", 你會買得好心好多! 對我, 沒有 3G, 沒有 profile 的手機, 只可作 2nd phone!
登入
問答集
搜尋
