講起呢部野都有一段古! 上個星期已經買左! 但賴野, 搞左一輪!
因為當時有成十部小花機, 但其中一部竟然新機一樣 ............ 咁正? 點會輪到我? 老闆叫我試, 一開機就會熄機! 老闆話電池無電, 插充電器試啦! 果然一插充電器就一切正常!
俾錢走人! 包一個好花電池蓋! 收 $500 人仔! 即是前面新機一樣, 但個電池蓋就好花!
番到屋企充一晚都充唔到電! 插 cable 就開到機, 唔插 cable 就開唔到! 最後死死氣去搵個老闆換 .......... 點知佢又賣晒! 又話唔包換等等等等 ......... 最後搵人幫手 (放心, 無燒佢檔口!), 佢先幫我搵到一部爆 mon 機! 換塊底板過去, 又發現 lock 左機! 好彩之前做定功課, 識入 recovery 行 wipe 機!
搞完一輪之後, 同個 90 後老闆 friend 晒! 佢話: 我有全新電池蓋, $50 要唔要? 當然要啦! 咁搞完一輪, 而家就用 $550 買左一部新機! 抵爆!
A710K 行 1GHz CPU, 另外 512 MB RAM, 但因為佢行 DDR2 RAM, 所以行得好順!
1. 先睇睇外形:
2. 個 display 俾我個感覺好光, 好白! 好似 LG Optimus Black 果種! 太陽底下, 開到最光同 iPhone 3Gs 比較:
3. 個 5MP 相機先抵死! 從未玩過有內置相機有咁多功能! 一笑即拍, 較眼即拍 ..... 你諗得出既,乜就有! 玩個相機都可以玩足一日!
4. 部機由 Pantech 代工! 一部出廠就行 Android 2.2.1 但可以行 online upgrade 去 2.3.4 但, up 完 2.3.4 之後 root 唔到! 你可以刷大陸 rom, 但 ......... 自已決定啦! 內置已經有齊好多實用 APP, 亦出到香港字! 好多地方亦做得好細心, 例如你地有 d 唔想用既 APP, 會先 root 然後 uninstall 左佢! 但 A710K 就有一個 "Storage" 既 folder. 你唔想出現係 App Drawer 就放晒去 "Storage" 就會唔見晒! 唔使 uninstall !!
5. 內置 backup 功能:
6. 卓面, icon, background 都可以任你轉! 方便到不得了!
7. 有 Desktop Manager! 經 WiFi 連電腦
8. 最後, 提 2 件事 ............ 第一, 同其他韓國機一樣,
發唔到中文 SMS! 收 SMS 就絕對無問題! 用 3Hk 發出到 6 成中文! 用 CSL 就連中文都唔俾你發, 只可用英文! 另外, A710K
係預設發唔到海外 SMS, 有人買完發唔到 SMS, 我先出教學啦!
9. 最最後........... 上次介紹 S100 果條 cable 係充唔滿電架! 要上 taobao.com 用 $15 買一條 Samsung 相機 cable 先可以充滿電!
總結: 好抵玩! 上次果部 Sky SK-S100 只可當玩具! 但呢部 A710K 就可以當日常機用!
登入
問答集
搜尋
