IMA 流動資訊站

我上個月22號係3續約出左部 note2Lte灰色，當時出機，開盒過下，個sales俾份野我簽名，我冇確實留意是否已開封條，但開機果下我留意到，首次開機冇語言選擇，但我渣上收睇，完全冇咩問題，我指嘅冇問題，係開到機，上到網，打到電話，影到相， 出廠啲貼紙（機面，機背，機內）正常， 但係隔左日 ， 我 女朋友見我部note2Lte幾好 ，佢就出左部白色 ，佢算係個電話白癡，好多野都唔識，連鏟個apps都有問題，我就攞佢部機嚟左個對比 ， 發覺 我部電話 多左兩個app（除左3香港原本附帶果啲之外多左嘅） ， 係 HKJC ， 同 Groupon , 我都覺得怪怪哋 ， 博彩程式都會附帶 ？ R曬頭囉， 我身邊都有唔少人都有note2lte. 佢地買機都冇我所指個程式原先附帶係部機度


+++++++++++++++++++++++++++++++++++

作為消費者，作為一個俾錢買部新電話嘅人 ， 遇到依個問題 ，當然要同佢講 ，問咩事點解會有依啲野
我1月22號出機，1月26號 反映問題 ，我攞上 3香港 位於柏裕嘅維修中心 ， 攞上去 ，佢話如果硬件冇問題，冇得換
跟住
我打上hotline, 對話我有錄音， 我問個所謂 客戶服務主任 ， 扮買機 ， 問佢 買部note2Lte, 3香港會預設有乜野apps係部機內 ，同埋 我話 我想部電話設定為 日文 ，有冇得選擇
×××××
所謂 客戶服務主任 答我 ：有 隨便曬，KKbox ， 3TV 。。。 （就係冇 HKJC & GROUPON）
佢話首次開機有國際語言俾我選擇，系統內亦都可以選擇返閣下所需要嘅語言 。。。
#### 佢全部中曬招 ####
跟住，我就投訴，我部機首次開機冇得俾我選擇，一開機就係繁體中文，內置多左上述果兩個程式，同買個火牛有雜聲，
因為我好執著，我買新電話，唔係買二手，即使佢係部新電話，俾人玩過我都接受唔到囉！ 佢就射個波俾 客戶關係課跟進 ，48 小時後答复我
×××
答复我果個姐姐仔嘅態度，我完全接受唔到（全程我有錄音）
為左方便，簡單描述下幾個重點
1. 我問：部機首次開機冇選擇語言?
佢答 ： 係正常，因為我哋嘅客人大多數係用繁體中文，所以已經為閣下選擇好繁體中文
2.我問： 點解會有HKJC同GROUPON ？
佢答： 係預設左方便客人，我哋公司都同樣提供博彩娛樂供客人使用
3。我問： 點解會開左盒 ？
佢答： 因為師傅要安裝3香港程式落部機，所以開左盒
4.我問：點解我朋友同樣係3香港出部同型號嘅電話，冇上述情況
佢答：因為貨源問題，我哋（3HK）唔保證部部機都會一樣，如果閣下覺得部電話有問題，可以攞上三星檢查
這樣的答复，各位可以接受嗎 ？ 我冇辦法接受 ，如果佢唔換返部 100% 新機俾我，我決定上 消委會 或 蘋果
3香港，龐大的集團，大公司，原來唔保證部部機都會一樣架？集團公司冇守則去規範化架？
大家覺得點睇？

_________________
[中國]是偷厄拐騙的代用詞

你馬上 send 個 email 俾電信管理局, 投訴佢賣舊手機, 冇誠信, 不負責任, 有乜衰野, 講乜, 你唔使理, 又唔使負責任,
跟手, 電信管理局會將你個 email 轉介係 3, 等 3 答番佢, 再答你,
我上次係投訴佢固網寬頻, 成日斷線, 唔維修, 打去熱綫, 老作話o岩o岩整機房,
師傅黎到就話係樓企樓下機件老化, 佢係外判 冇零件整,
跟手我咪去電信管理局投訴, 佢個 cs 好好禮貌, 答應改善, 送一個月月費, 之類, 佢俾個直線號碼我, 話有事直接搵佢,
點知我冇錄音, 冇左件事,
之後, 收到續約電話, 傾好續約, 之後兩個月, 又有 sales 搵我續約, 咁奇, 原來之前個 sales 冇交單上去, 冇續約,
又去電信管理局投訴, cs 又搵我, 因為 3 又再減價, term 比之前好, 同 cs 投訴, 之後一直到完約都冇 sales 打俾我,
所以你應該去電信管理局投訴, 有咁衰寫咁衰

第一, 由你出機, 到你發現已經 4 日, 好難用你講 "冇語言選擇" 同 "多左 2 個 APP" 去嘈!

第二, 如果要經 Market 裝 APP, 就一定先釣 gmail. 你有無見 gmail 有人用過? 除非佢經 unknown source 去裝! 咁個內存有無果 2 個 APP 既 APK?

總結 .......... 隔咁多日, 好難嘈到! 部機識行識走, 用兩用唔喜歡就 trade 去佢啦!

_________________
退一步海闊天空!

無錯, 算啦

_________________
唔駛要"威" ! 最緊要" 揚" !!

我已經將同客戶關係科服務熱線啲職員對話錄音
佢地明確表示 HKJC 香港賽馬會 應用程式係佢地公司師傅 為左方便客戶使用 所以安裝落去嘅
同時表示 佢地所有銷售之 SAMSUNG Galaxy Note ii Lte手提電話 都會作開盒 處理

與此同時 ， 我用第二個身份 致電 銷售熱線 ， 問 3香港和記電訊 嘅職員
咨詢 返 SAMSUNG Galaxy Note ii Lte手提電話 會否 於 銷售時 安裝 HKJC 香港賽馬會應用程式 於電話內
佢答 否
再一次證明 ， 客戶關係科服務熱線嘅職員 係 以 一個大話 蓋過 令一個大話 ，
我就憑依幾段錄音聲帶 ， 足以證明 佢 賣嘅依部電話 係 翻pack 機
用高於全新價錢 ， 買左部 充新機 ，各位大佬 ， 請明白我的心情 ，

_________________
[中國]是偷厄拐騙的代用詞

明白你心情, 但可以做嘅嘢唔多. 因為即時無check清楚, 就算即場換過第二部, 嗰部都係可能係佢清得乾淨

_________________
愛德華嘉道理
Three 3G + iPhone 5s
Three 4G + LG G4

騙徒與受害人是一伙的 (如果沒有受害人嘅自欺欺人，騙徒很少有機會成功。)

同意! 因為你隔得大耐, 佢地好難會信你講!

另外, 我想問下, 你之前有無在另一部 Android 手機裝過 HKJC 同GROUPON ?

因為, 我開部 Note2 LTE 時, 一入個 gmail 就自動幫我裝左幾個我成日用既 APP. 例如 moboplayer, My Profile 等等 ..........

_________________
退一步海闊天空!

部機出奇地開機冇語言選擇，所以開機冇登入google帳號已經存在該程式，3客戶關係科果條女，話 hkjc 屬於原機程式，我叫佢重复講清楚咗一次，跟住我問佢，點解第二部同樣喺3度購買嘅同型號電話點解會冇，佢話係批次問題，我再追住佢問，批次幾多號會存在依個程式呢？佢又話唔清楚，我話，荒天下之大謬，連個批次都講唔出就想甩身，連事實嘅根據都攞唔出，依單嘢我唔會放過你㗎，你哋嘅銷售部門都話冇依樣嘢，究竟你講得啱定銷售部講得啱呀？根住佢靜咗五六秒，冇出聲，佢個電話100%有人指導緊佢點做，之後急急腳話要問清楚公司再答覆返我！
我琴日打電話上去搵佢，佢啲同事一尾話佢唔得閒，但一定會喺琴日內回復返我，飛機仍然繼續放囉！
依件事我絕對冇半點虚構成份，我一定會據理力爭

_________________
[中國]是偷厄拐騙的代用詞