|
先講一講今次 金融海嘯的起因 ........... 簡單咁講, 是美國前總統 克林頓主政時的一個房地產政策而引起! 那個房地產政策簡單咁講就是銀行唔可以唔借錢俾窮人買屋!
銀行一向是 "好天時第一個借雨傘俾你, 而未落雨又第一個問你收番雨傘既人"! 借咁多錢俾窮人, 咁還唔起又點?
咪搞成今日咁 ............. !!
咁銀行本身又唔會傻到一個人承擔晒所有風險! 咁咪將借出去既錢, 再加上抵押品 (屋) 包裝成好多唔多花款既金融產品, 放出街俾其他人一齊承擔! 所以今次出事, 就成個地球都受到影響!
表面上, 好似美國本土及歐洲最大影響!我地香港就只是一間 U-Right 同一間 泰林頂唔住! 中國大陸更加唔覺有影響!
真係?
我唔知有幾多人做緊歐美生意, 而又要設廠在大陸! 其他唔講, 只是 exchange rate 已經可以殺死你!
早幾個月, GBP 對 HKD 是 15.2, 而今日是 12.7! 即是唔見最少 16.4%
而一年前, HKD 對 CNY (人民幣) 是 0.12, 而今日是 0.88, 即是又唔見 26.7%
單單是 exchange rate 一來一回, 就已經唔見左 43%!
一間工廠, gross profit 最少要有 25% 先可以生存! 而家 exchange rate 已經唔見 43%, 點玩?
再加上大陸今年開始既 "新勞動法", 將生產成本最大的成本 ....... 人力的 "交易費" 再進一步提高!
可以見到, 將會有更多大陸工廠會關門! 而他們一般於香港設有後勤總部亦會受影響! 咁既環境, 香港唔死?
唔怕, 我地祖國大把錢 ........................................
近一兩年, 國內天災人禍連連, 最近更加豪一個奧運! 再加上各地方政府報數好似 "牛奶加水再加三聚氰胺" 咁上報! 國庫真係咁多錢? 心照啦!
外國銀行受咁多監管都出事! 國內銀行一向 "唯威惠" 咁做事, 你怕唔怕?
大家最好做好心理準備, 要過一兩年苦日子! 有工做既, 好好保住份工! 做生意既就開源節流! 祝大家好運!
_________________
退一步海闊天空!
|
登入
問答集
搜尋
