|
蘿蔔頭在大陸生的機械人 ( 23 JAN, 2011 )
日本品牌的手機曾經係世界GSM手機市場上得過唔錯的成績, 但佢地一成不變, 守舊不會變通營運方式及自閉自大,
再加上只留最好的最新的技術在日本本土, 於是就一步一步變成與世界脫節, 一步一步的在世界市場
上玩完, 逐一退出世界GSM市場, 只保留日本本土推出手機, 而且就算在日本本土都一直的改組, 合拼及停止手機業務,
例如: MITSUBISHI連日本本土市場都退出, 唔再出手機, SANYO又賣掉手機業務比京瓷,
NEC+CASIO+HITACHI又合拼手機業務成為一間公司.....
當中的SHARP比較有市場眼光及遠見, 早2, 3年開始全力打入中國市場, 由最初將日本比較新的機款改成GSM中文版
打入中國市場, 日本的靚DESIGN加上靚屏幕, 再加上鮮艷特別的手機顏色, 唔駛好耐已經在中國市場上打出一條血路,
之後更加推出中國市場的自家款式, 出機的數量係多到數唔哂, 非常吃得開. 由最初只有GSM版之外, 後來仲推出配合
聯通的WCDMA 3G版手機, 而且中國版的款式機本上緊貼日本推出款式, 好多時日本出了2, 3個月的機款即刻有中國版在
大陸上市, 令大陸一群年青時尚用戶非常支持, 特別是女性市場, OL等等都好喜歡SHARP的手機, 再加上大批大陸版SHARP
手機改用MTK平台, 令成本大大減低, 成為了日本外衣, 山寨芯, 完全配合了國內市場的需要.
呢2, 3年SHARP在中國市場的確發展得唔錯, 好到完全放棄香港及台灣市場, 雖然已經有大陸版中文手機(簡體),
但都完全唔考慮好簡單地加入繁體中文字庫, 出埋香港及台灣市場, 因為相比大陸市場, 香港+台灣的繁體中文市場簡直
細到睇唔上眼, 直情放棄唔出, 全力做好大陸市場. 今次SHARP的改革市場發展策略, 全力投入大陸市場的決定的確係非常正確,
同時亦非常成功.
但自從TOUCH SCREEN大屏的智能手機在呢2年的極快速發展及廣受歡迎, 加上ANDROID的光速強勁發展, 單係日系摺機及推蓋機
等等已經唔可以滿足市場, 最近SHARP在日本本土都開始推出用ANDROID的SMARTPHONE, 當然在大陸市場十分吃得開的SHARP
都唔會放過,都在大陸推出用ANDROID OS的SMARTPHONE, 推出了2部機款, 包括: SH8118U 及 SH8128U, 2部都係3G HSPA的
ANDROID手機,同市場上大熱的ANDROID手機差不多. 但在國內的ANDROID都基本上係冇哂GOOGLE SERVICES
( MARKET, GMAIL, GOOGLE SEARCH, GOOGLE MAP, GOOGLE CONTACT, GOOGLE TALK等等), 而且都係用經過自家改良的ANDROID OS,
名叫"點心"互聯網智能手機操作系統, 介面上的設計好有PALM的WEB OS ( 即PALM PRE, PALM PIXI等等)的感覺,
而打電話的介面就十分之IPHONE風味, 可以話係集各家之大成.
大陸版的ANDROID都係冇FACEBOOK, 佢就有QQ, 微博, 人人網, 開心網等等社交APP, 而冇GOOGLE的MARKET,
佢就有一個叫"福袋應用匯"的MARKET, 可以DOWNLOAD APPS, 呢D都係國內ANDROID機的常見情況,
好似中移動的ANDROID就是基於
ANDROID OS改成的OPHONE系統, LENOVO的樂PHONE都是由ANDROID改的系統.
講下部機, 大致功能係一部好基本的ANDROID手機, 例如: WCDMA + 四頻GSM, WIFI及國內的WAPI,
3.2吋480X320電容式TFT DISPLAY,有MULTI-TOUCH, 500萬CAMERA, 有LED閃燈有AF, VGA質量的VIDEO拍攝,
用QUALCOMM 600MHZ的CPU, 藍牙, 512MB RAM, 512MB ROM, MICRO-SD,
SMS, MMS, EMAIL等等, 其實冇咩特別的地方, it just another android smartphone with SHARP branding.
而且我估計呢部機應該唔係正式SHARP出品, 好大機會係OEM機......
不過, 作為SHARP的國內ANDROID手機, 都值得介紹下.....相信會有更多型號會推出, 不過國內版的DESIGN及SPEC
都係十分普通, 現在日本都不停出ANDROID手機, 如果日本本土的ANDROID機可以UNLOCK就正啦......
more photo on my web.
您沒有權限檢視這篇文章所附加的檔案。
_________________
Welcome to my web
phone2phone.hk
|
登入
問答集
搜尋
